各位網友:
早前我們承諾大家的2013 年第二次『代購新會會城陳皮』，現在正式開始接受訂購。
向柑農朋友查詢現貨及價格後得知他的陳皮已加了價，而六年陳皮已經沒有貨可出讓，現在只有七年的陳皮 ( 過了年後是八年皮 )，各位可根據自己的實際需要來向我們下訂。
網友注意 :
最多的托辦數量為 5 斤，最少的托辦數量則為半斤；
訂購以國內的斤來計算 ( 國內的一斤為 500g ) ；
最多的托辦數量為 5 斤，最少的托辦數量則為半斤；
訂購以國內的斤來計算 ( 國內的一斤為 500g ) ；
如要換算，則國內的一斤約為香港的 13.2 両左右 )。
請各位在10月20日 ( 星期日 ) 晚上 22:00 前回覆數量；並於10月23日 ( 星期三 ) 前付款，陳皮預計於10月底或 11月初運到。
有興趣托我們代購的網友發到以下郵箱便可
*注 : 早前已聯絡我們的網友，我們已經發給你電郵通知代購事宜
天然純棉粗織布袋 - ( 極適合作曬陳皮之用 )
2013 年代購新會會城陳皮
2012 年團購 / 代購新會會城陳皮
2013-10-24
2013 年第二次代購新會會城陳皮已經截止，未能趕及時間的網友請不要再入錢給我們，陳皮已包裝好並準備付運了，入左既錢也只好退回給你們了。
隨著 Yahoo 的新政策 Yahoo Blog 即將關閉；
相信，這次代購會城陳皮的『幕後花絮篇』，已趕不及在 Yahoo Blog 內貼出來跟各位網友見面了。
稍後，我們的網誌將會搬往 weshare.hk
現先分享一篇對上一次幫網友代購陳皮後所寫的: 『溫馨提示』給大家參考一下。
『各位網友取到陳皮後，趁現在秋冬季節，搵一d 濕度低的有陽光日子，把陳皮放近窗口曬一曬，待黃昏放涼後就找月餅罐、蛋卷罐之類 ( 不要用密實盒 ) 在底部舖上薄薄的一張報紙，把陳皮放進後再同樣的鋪上一張，陳皮以裝至 8 成滿為宜，蓋好蓋就 o.k ！
記著，陳皮的保養奥義是讓有秋北風吹而並不單是曬，常見有人喜歡在夏天曬陳皮，但夏天濕度高，其實並不正確。
古人秋風起曬臘味實為有理，今人不察誠可嘆也！
老實，我覺得香港大部份居住環境都唔係咁適合曬制果皮，因為大廈式的建築始終都唔夠開揚同埋唔夠空氣流通，除非你有個大露台又另計，又或者係住村屋啦！
香港天氣潮濕，果皮係頭果 3、4 年真係好難打理，好容易就發霉。我早年試過自己用新鮮皮來曬，已經係每三個月就打開來檢查一下，但到最後都係有三份一的果皮發霉唔要得。
頂！真係又哂錢又哂心機，之後我就覺得最少都係要揀 5年皮先穩陣，雖然係貴 d 但條數真係係番度。當每年中秋節後，只要秋北風一起，拿陳皮出來吹一兩日咁就攪掂喇！咁當然 7年既又會仲好 d，隔年打理下就得，而且再放多 3年就可以用來入藥。
陳皮發了霉，怎辦？
如果係一般白色的霉菌，可用乾淨的刷子把它刷去，再曬乾後放好保存便可。
如是綠色、啡黃色的霉菌的話，那就冇辦法，唔好要喇！
陳皮水的制法:
如只作日常保健 (和中理中，消食下氣) 之用則無需太繁複，先拿一個陳皮用清水略略沖洗一下(不用去白)，然後整個放進煲內並加入 1.5 公升水，以中火煲滾後，轉慢火再煲約 45 分鐘至 1 小時即成；日常當茶水飲用便可。
另外，亦可加入老冬薑三片，寧夏杞子約三十粒及桂圓肉三粒同煲，以收行氣補血益脾之效。』
哈！哈！竟然趕得切喎！
~ 趕得切的幕後花絮 ~ ( 2013-10-29 )
今次要我們代辧既數量同上次都係差唔多啦！
今次訂既係七年皮
磅已 Set 到歸零
大家放心，重量一定正確
~ 是次代購圓滿結束 ~
後記
網友提出想代訂一些新皮回來自己曬，相信價錢會因此而平宜一點。
老實，咁就梗係會平 d 啦！
但新皮的保養係真係好麻煩，如存放得不好的話係會好易發霉。
但既然有幾位網友都有同樣的要求，我亦都樂意代辦一次「會城新皮」；不過，第時發左「毛」唔好瀨我呀！
如果幾位網友真係唔嫌麻煩想曬些果皮來作將來自用的話，就一定係揀最好既「新會會城大紅柑皮」來存。
「正宗會城大紅柑」數量少，質素最高，藥效最好，因此亦不會太平宜，市面上亦不常見，曬好左而又有 10 年以上的大紅柑皮，其價錢亦都唔講得笑。
好！詳情遲些會在新網誌「weshare.hk」內公布。
正宗會城大紅柑
好！詳情遲些會在新網誌「weshare.hk」內公布。
正宗會城大紅柑
