其實，今次都唔知咁係叫團購定代購喇！
各位網友取到陳皮後，趁現在秋冬季節，搵一d 濕度低的有陽光日子，把陳皮放近窗口曬一曬，待黃昏放涼後就找月餅罐、蛋卷罐之類 ( 不要用密實盒 ) 在底部舖上薄薄的一張報紙，把陳皮放進後再同樣的鋪上一張，陳皮以裝至 8 成滿為宜，蓋好蓋就 o.k ！
記著，陳皮的保養奥義是讓有秋北風吹而並不單是曬，常見有人喜歡在夏天曬陳皮，但夏天濕度高，其實並不正確。
陳皮水的制法:
~ 幕後花絮 ~
唔係講笑，真係要搵人托運落黎架
秤陳皮時，個磅已 set 到歸晒零
正宗新會會城陳皮- 體驗包
新會陳皮之旅 - 2012
說三道四話 - 陳皮
總言之，一切都好順利，所有貨終於都交收完成，完滿結束！ 
希望各位網友都會滿意啦！
溫馨提示:
各位網友取到陳皮後，趁現在秋冬季節，搵一d 濕度低的有陽光日子，把陳皮放近窗口曬一曬，待黃昏放涼後就找月餅罐、蛋卷罐之類 ( 不要用密實盒 ) 在底部舖上薄薄的一張報紙，把陳皮放進後再同樣的鋪上一張，陳皮以裝至 8 成滿為宜，蓋好蓋就 o.k ！
記著，陳皮的保養奥義是讓有秋北風吹而並不單是曬，常見有人喜歡在夏天曬陳皮，但夏天濕度高，其實並不正確。
古人秋風起曬臘味實為有理，今人不察誠可嘆也！
老實，我覺得香港大部份居住環境都唔係咁適合曬制果皮，因為大廈式的建築始終都唔夠開揚同埋唔夠空氣流通，除非你有個大露台又另計，又或者係住村屋啦！
香港天氣潮濕，果皮係頭果 3、4 年真係好難打理，好容易就發霉。我早年試過自己用新鮮皮來曬，已經係每三個月就打開來檢查一下，但到最後都係有三份一的果皮發霉唔要得。
頂！真係又哂錢又哂心機，之後我就覺得最少都係要揀 5年皮先穩陣，雖然係貴 d 但條數真係係番度。當每年中秋節後，只要秋北風一起，拿陳皮出來吹一兩日咁就攪掂喇！咁當然 7年既又會仲好 d，隔年打理下就得，而且再放多 3年就可以用來入藥。
陳皮發了霉，怎辦？
如果係一般白色的霉菌，可用乾淨的刷子把它刷去，再曬乾後放好保存便可。
如是綠色、啡黃色的霉菌的話，那就冇辦法，唔好要喇！
陳皮水的制法:
如只作日常保健 (和中理中，消食下氣) 之用則無需太繁複，先拿一個陳皮用清水略略沖洗一下(不用去白)，然後整個放進煲內並加入 1.5 公升水，以中火煲滾後，轉慢火再煲約 45 分鐘至 1 小時即成；日常當茶水飲用便可。
另外，亦可加入老冬薑三片，寧夏杞子約三十粒及桂圓肉三粒同煲，以收行氣補血益脾之效。
唔係講笑，真係要搵人托運落黎架
秤陳皮時，個磅已 set 到歸晒零
放心，我老婆好手勢，總之唔會少啦
好！來個大合照先，嘩！有 d 好大袋，邊個網友咁重手呀！真係好似上倉咁！
後記:
聽老婆講開，原來其中有位網友都係陳皮高手，她早前亦有托人到新會買陳皮，但買到的年份很高 ( 咁當然亦都好貴 )；據網友講佢原意係想買較新年份的陳皮，但因為較新年份的正宗新會陳皮早已給商人收購並屯積起來 ( 待日後善價而沽 )，所以很難買到，她更說我們所買到的 7 年陳皮價錢算平了。
首先，我們要先多謝該名網友的信任及分享；但我想講公平一些，陳皮我們係直接由柑農朋友手上買來的，可能因此而比較便宜。
另外，柑農朋友佢係唔會分開陳皮的種類，即同一年份的陳皮會有著青皮及紅皮等，而出面的商舖係會將青皮、微紅皮及大紅皮分開來賣，分到靚靚仔仔咁，你要青皮就買青皮，要買大紅皮就買大紅皮，咁人地人工都要計算在內，實是無可厚非。
正宗新會會城陳皮- 體驗包
新會陳皮之旅 - 2012
說三道四話 - 陳皮
