認識心的不滿: 長灘島

這單元已是我們與各位網友分享長灘島的謝幕篇。

零晨時份，被窗外下得如瀑布般大的雨聲所喚醒；

我小心的下床，生怕吵醒正在睡夢中的太太，因她著實睡得太甜啊！

坐到陽台的椅子上，我正抽著一根香煙，心內迴蕩著在這數天旅程中愉快的片段，

我發覺，我已經喜歡上長灘島了。

早上醒來，雨還沒有停下，其實這兩三日來的晚上及朝早也有下過一陣子的驟雨，只是沒今天的這麼大；

看來，長灘島真的準時地踏進雨季。

雨在早上的七時已停了下來；我們前去享用早餐

之後就沿著沙灘路前往我們還沒到過的 Station 1 最遠的那一邊

這位置是 Station 1 靠近 Station 2 那段沙灘路上的一個盡頭，如欲窺 Station 1 的全豹，就要在前面左轉走到沙灘上去

跟著，就一路好走 ( 噢！啋！係一路前進，先岩 )

開頭我仲係到諗 .....

係我地臨走果日先黎落雨，唔通連個天都唔鍾意我地；

原來，凡事真係冇絕對架！

早前的一場大雨似是長灘島為了要我們留下美好的回憶，而刻意洗盡天上的烏雲，此時；他正在我們的面前盡情地展現出其燦爛的一面，他毫不猶疑地撐大了奪目耀眼的太陽，而我們就只能靠著戴上細少的、有若螳臂擋車的雜牌偏光眼鏡來偷窺一下他此時的美貌。

途經 ...

Jony's Beach Resort 這小酒店在網上的名聲很不錯

途經一酒店前於昨天建成的沙堡壘，很奇怪為何沒有被那場大雨沖毀呢

再向前走著

這間 Jonah’s 沙冰店，同時有提供快餐

這個就是聖母岩

這邊有著多間有名的高級酒店

Estacio Uno 當然要算上啦！

回望長灘

題外話 :

在網上見到有人提過 Station 1 既沙是最幼細的，而 Station 3 既沙就最粗；

但之前的數日，我們在白沙灘上來來回回走著，發覺它們之間的分別實在不是有那麼大；

原來，形容擁有好似麵粉咁細滑既沙，係指比較偏遠的 Station 1 這邊，果然真係所言非虛呀！

我本身是比較喜歡恬靜一些的住宿環境，再加上 Station 1 這邊有此等就如塗在面上也可能磨不出死皮的麵粉沙；

長灘島，我一時失覺了 - 他日必定會再來。

Two Seasons 也要計算在內

當然唔可以唔提的 Discovery Shores Boracay

仲有既就係 Fridays Boracay Resort

這灘上小店售著的記念品甚有特式

時間都差唔多，我們本來想直接由沙灘經酒店行出 Main Road 那裡截車返酒店，但這裡的幾間酒店都不容許遊客穿越，咁唯有走回頭路啦！

中途問問人，原來在 Two Seassons 酒店附近有一條窄窄的小巷能通出去 Main Road

咁就唔好客氣喇

吖！一出到黎就見到有架 Tuk Tuk 係到等客喎

問好價後就上車走人， PHP 60

有些朋友可能對長灘島上的交通費會有 d 疑問；

其實好簡單：

方法一：只要清楚行車方向對的話，隨便截停一架已經載住其他客人既 Tuk Tuk 就上車；之後係佢途經你想到的目的地最近的地方，就叫停落車，每人 PHP 10 ( 咁就叫 Hop on-Hop Off ) ，但唔好處係你可能要行一段路，有 d 似香港既紅色小巴。

方法二：包車，即係的士 ( 咁就叫 Special Charter ) ，在 Station 1 至 Station 3 的任何地方上車及落車，一律 PHP 60

我會見議大家用方法二，因為唔爭好遠，又唔駛同人迫。 ( 睇睇圖，明碼實價架 )

返到酒店梗係游多陣水先啦

早前，柏 x 的當地職員已約實我地十二點鐘 check out 完就係大堂等，咁而家時間都差唔多喇

老婆，唔好望喇！下次陪妳再黎過啦！

柏 x 真準時

12:05 開車

落完大雨後路上有很多積水

嘩！ d 行李服務員真係快手，想慳番 d 都唔得，算啦！人地都係搵食 ja

其實我地真係唔係好慣叫人拎行李

我地就跟住柏 x 個女職員去左轉角既另一個 Counter 度，由佢親自幫我地買飛，

咦！點解佢唔排隊既

船費，每位 PHP100

之後，佢又帶住我地，直接由最右邊既本地居民、職員通道行出碼頭

喂！喂！唔係幾好既，咁唔公平喎！

唉！各位，我地真係唔想架，不過人生路不熟，都係跟住佢啦！

12:25 上船

12:38 到達另一邊碼頭，落船

上到碼頭後跟另一位柏 x 的職員會合，之後就跟住佢行去搭車

12:41 坐上專車，要前往 Kalibo 國際機場搭內陸機

途經的街道

14:15 抵達 Kalibo 國際機場，哇！真係快喎！個半鐘都唔駛，好順利

唔該晒大佬；安全又快捷的將我們送到機場

乜咁多人排隊入機場嫁

時間尚早；又未食午飯，都係去機場對開的食店搵餐食先

這裡一帶有很多食店

咦！喱間睇落唔錯，咁就喱間啦

味道都 o.k

食飽喇！行返入機場

跟住就去 ZestAir 既 Counter 到 check-in

哈！仲係用喱款磅喎

乘搭內陸機要繳付 Terminal Fee ( 每位 PHP40 )

搭國際線就要比 PHP500/人

這裡有數間小商店、食店

更有提供吸煙區域的小賣部

要幫襯買野才能出去小露台的吸煙區，職員更會在手上蓋上印章

問過，係可以多次出入境架

太太不是煙民，她在侯機大堂搵位坐下；乜咁多人呀

原本是 16:10 的航班延誤了

機場內有免費 wi-fi，先通知香港柏 X 的曾生，讓他預早知會在馬尼拉當地的職員更改接送的時間

至 17:20 先可以上機；

( 這就是我在第一篇的「長灘島 - 我來了」中所提到的，要讚一下柏 x 曾生的理由，如果我地真係訂左 19:20係馬尼拉起飛返香港果班機，就自己比錢買過張機票都得喇！ )

上機前再通知曾生，以確定接送時間

17:35 起飛

18:45 落機，抵達馬尼拉機場 Terminal 4

等候取回行李

一出到閘口已經見到柏 X 的職員

18:53 坐上專車，駛往馬尼拉國際機場轉機返港

都幾塞車下，好在我地唔講時間 ja

19:15 抵達馬尼拉國際機場

搵番菲航 check-in 先

19:30 繳付 Terminal Fee 每位 PHP550

填埋出境表

事件 :

我們的整套來回程機票於出發前一個月已辦妥，但出發前10日，『ZestAir』更改了回程，由卡里布機場起飛回馬尼拉的航班時間；及後在回程時『ZestAir』又有航班延誤一個多小時，兩者加起上來已遲了將近兩小時，而我們由馬尼拉返香港的一程機是選搭『菲航』，『菲航』根本唔會知道我們的航班被延誤，就算知到亦沒有責任要等我們。

19:44 望一望個航班時間，原來柏 x 的曾生真係講得好岩，早前想搭 19:20 的那班機，原來真係有好多變數，因為我們乘搭的內陸機延遲了起飛，如果真係要搭 19:20 的飛機既話就真係趕唔到喇！

我們乘搭的是 21:30 的航班，時間好充裕，咁就飲杯野先囉